पैशांच्या मोहात आईवरच जीवघेणा हल्ला! अनुकंपा तत्त्वावर नोकरी मिळालेल्या मुलाची क्रूर हरकत
Mother attacked money! Cruel incident son who got job on compassionate grounds
सोलापूर / प्रातिनिधि: सोलापुरात माणुसकीला काळिमा फासणारी घटना समोर आली आहे. वडिलांच्या निधनानंतर अनुकंपा तत्त्वावर शासकीय नोकरी मिळालेल्या मुलाने पेन्शनच्या पैशासाठी स्वतःच्या आईवर कुकरने हल्ला करत जीव घेण्याचा प्रयत्न केल्याचा धक्कादायक प्रकार घडला आहे. या प्रकरणी मुलावर जेलरोड पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, महिला पतीच्या निधनानंतर मिळणारी पेन्शन आप्तेष्टांना मदतीसाठी देत होत्या. त्यावरून मुलाने वाद घालत घरातच कुकर डोक्यात फेकून मारला. या हल्ल्यामुळे त्या जागीच बेशुद्ध पडल्या.
हा हल्ला पोटच्या मुलानेच केला असल्याचे उघड झाले. स्थानिक इमारतीच्या मालकाणे या घटनेबाबत पोलिसात तक्रार दाखल केली. त्यानंतर मुलाला अटक करून न्यायालयात हजर करण्यात आले असून, त्याला दोन दिवसांची पोलिस कोठडी सुनावण्यात आली आहे.
मुलगा जिल्हा परिषद शिक्षण विभागात लिपिक म्हणून कार्यरत आहे. वडिलांच्या निधनानंतर त्याला अनुकंपा तत्त्वावर ही नोकरी मिळाली होती. आता या प्रकरणाचा तपशीलवार अहवाल शिक्षण विभागाला सादर केला जाणार आहे, अशी माहिती पोलिसांनी दिली आहे. तपास सहायक पोलीस निरीक्षक करत आहेत.

Advertising Space